Një ish-ministër në skandalin korruptiv të “Telekom”
Një ish-ministër shqiptar në qeverisjen e BDI-së me LSDM është përmendur në aferën e lansuar “Magjar Telekom”, ku një dëshmi i dalur nga Gjykata e Nju Jorkut dhe Komisioni Amerikan për Letra me Vlerë akuzon për mitmarrje krerët e BDI-së, Ali Ahmeti dhe Musa Xhaferri si dhe ishkryeministrin Vllado Buçkovski. Siç mësohet bëhet fjalë për një ministër të Transportit dhe Lidhjeve, që ishte në këtë funksion gjatë periudhës 2005 – 2006 kur dyshohet kryerja e këtij aktiviteti të paligjshëm korruptiv.
Ministri në fjalë ka njohuri për tërë rastin dhe se ka asistuar në një nga takimet e zhvilluara jashtë vendit. Sipas dëshmitarit Sllobodan Bogoevski, drejtorët e bordit të “Magjar Telekom” si pjesë e Deutsche Telekom kishin dhënë 7,5 milionë euro për ishkryeministrin Vllado Buçkovski dhe krerët e BDIsë, Ali Ahmeti dhe Musa Xhaferri.
Këta të fundit kanë marrë 5 milionë euro, derisa pjesa tjetër prej 2,5 milionë euro për Buçkovskin. Bogoevski atëkohë ishte shef i shërbimit sekret në Maqedoni, ndërsa në këtë rast korruptiv kryente rolin e ndërmjetësit, ku gjithçka realizohej përmes një biznesmeni grek dhe një korrieri me origjinë nga Maqedonia.
Redaksia Java News/f.g
