Një djalë i ri në Tiranë, i cili dyshohet se shpërndante drogë, ka tentuar që ti shpëtojë policisë, duke hedhur lëndën narkotike dhe duke bërë rezistencë.
Nga forcat e posaçme “Shqiponja”, në bashkëpunim me Seksionin për Hetimin e Narkotikëve në DVP Tiranë u arrestua në flagrancë,
për veprat penale “Prodhimi dhe shitja e narkotikëve” dhe “Kundërshtim i punonjësit të Policisë, A. C., 26 vjeç, banues në Tiranë.
Efektivët e repartit “Shqiponjat” duke patrulluar në rrugën “Ndre Mjeda” kanë konstatuar të riun i cili në momentin e konstatimit ka hedhur në tokë tri qese farmaceutike të mbushura me material bimor si ajo e cannabis sativa dhe është larguar me vrap.
Gjatë prangosjes i riu ka kundërshtuar punonjësit e policisë dhe nuk i është bindur urdhrave të tyre.
g.kosovari
