Një person është vënë në pranga, i kapur me thikë, municion luftarak, shkop gome, radio policie dhe sende të tjera si të policisë.
Efektivët e policisë Pogradec, pas informacioneve të siguruara në rrugë policore se një person posedonte lëndë narkotike dhe armë të ftohta organizuan veprimet dhe bënë të mundur lokalizimin dhe ndalimin e tij në lagjen nr. 1 në Pogradec.
Gjatë kontrollit trupor të ushtruar të dyshuarit Mariglen Yzellari, 30 vjeç, banues në Pogradec, iu gjetën 4 doza me lëndë të dyshuar narkotike kanabis sativa.
Më tej gjatë kontrollit të banesës së tij iu gjetën dhe sekuestruan në cilësinë e provës materiale një thikë, dy copë fishekë armë zjarri tip pistoletë, një radio marrëse-dhënëse, një shkop gome, një detektor që shërben për kontroll fizik personash dhe 1 palë pranga.
Ndaj të dyshuarit hetimet janë në vijim, ndërkohë që materialet iu referuan Prokurorisë së Pogradecit, për veprat penale “Prodhimi dhe shitja e narkotikëve”, “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi, mbajtja, blerja apo shitja pa leje e armëve të ftohta”.
/a.r
