Astronauti kanadez Chris Hadfield kaloi pesë muaj në hapësirë, kohë gjatë së cilës fitoi famë ndërkombëtare për përdorimin intensiv të medias sociale teksa pluskonte mbi Tokë.
Një nga arritjet e tij më të mëdha ishte interpretimi nga ana e tij i këngës së David Bowie “Space Oddity”. Ishte jo vetëm regjistrimi i parë muzikor në hapësirë, por edhe një interpretim që vetë Bowie e quajti “ndoshta versioni më prekës i krijuar ndonjëherë për këtë këngë”.
Versioni i tij është regjistruar dy vjet më parë, por Stacioni Hapësinor e ka rikujtuar sot në shenjë homazhi për këngëtarin Bowie, i cili dje humbi luftën me kancerin.
