“Fedra”, baleti me një akt i interpretuar nga Enada dhe Gerti Vaso solli mbrëmjen e sotme një histori pasioni në skenën e Teatrit Kombëtar të Operas dhe Baletit.
Në këtë balet, Gerti dhe Enada nuk u prezantuan vetëm si balerinë të kësaj vepre artistike, por edhe si producentë, duke sjellë për herë të parë në skenën shqiptare këtë vepër, në kuadër të 20- vjetorit të karrierës dhe lidhjes së tyre.
Personazhet e veprës u interpretuan nga Enada Hoxha, Gerd Vaso dhe balerini italian, Francesco Rovea.
Një vepër e fuqishme e risjellë në kostumografinë dhe skenografinë e stilit të viteve 1900 ruan nga mitologjia dramën, karakterin e personazheve, konceptin e sjelljes në çift, pasionin, trasgresionin dhe çmendurinë që rrjedh nga fatet e paracaktuara nga të cilat personazhet nuk kanë rrugë shpëtimi.
