“Kur lindte djalë në Pargë, babai u mësonte dy gjuhë, shqip e greqisht.”,- kështu tha Spiro, një grek nga Parga, por me një shqipe të mrekullueshme për gazetaren Rudina Xhunga. Në një ndalesë të shkurtër fundjave kaq afër kufirit t’i gjen historinë, rrënjët, gjuhën.
Spiro nga Parga nuk e ka vizituar Shqipërinë, por ka shumë miq të mirë me të cilët kalon verën në Parga. Rreth 73 kilometra nga kufiri shqiptar, në Greqi ngrihet qyteti i Pargës, dikur këtu jetonin masivisht shqiptarët.
Ndëra Vojsava Veizi një shqiptare nga Memaliaj i Tepelenës, prej 29 vjetësh jeton dhe punon në Sivota. Ajo ia ka kushtuar jetën detit, peshkimit, artit të bregdetit, por e përlotur tregon mallin që ka pas kaq vitesh për jetën e saj në Shqipëri e kohën e shkollimit.
“Të gjitha këto janë pikturat e mia. Pas peshkimit unë i kushtohem atyre. Piktura tjetër do jetë për Vjosën. Tepelenën dhe Vjosën, se më ka marrë shumë malli.”,-u shpreh Vojsava.
“Shqipen e mësova këtu në Sivota.”,- thotë Evgjenia.”Shqiptarët këtu punojnë dhe jetojnë. Unë punoj këtu në këtë dyqan. Unë nuk jam nga Çamëria, por e di shqipen se unë punoj me shqiptarë, madje dhe miken time e kam shqiptare dhe me të flas vetëm në shqip.”
