Një kompani kaliforniane ka bërë të ditur se ka vlerësuar si autentike dhe do të shesë një nga reliket e shenjtë të periudhës Western, një fotografi të bandidit të famshëm Billy the Kid. Deri tani, ka ekzistuar vetëm një foto e konfirmuar e tij. Fotografia me përmasa 12×7 centimetra u ble për 2 dollarë më 2010 në një dyqan antikuarsh nga Randy Guijarro, banues në Frimont të Kalifornisë.
Sipas Kagin’s Inc., firmë e specializuar në objektet e Western Americana dhe monedhat e rralla, fotoja tregon Billy the Kid dhe anëtarë të tjerë të bandës së tij teksa luajnë të shkujdesur një lojë kriketi më 1878. Tani, fotoja që u ble 2 dollarë, do të shitet me çmim 5 milionë, pas konfirmimit të personave në të.
