Për herë të parë në Roskovec do të zhvillohet festivali ‘Roma Romale 2025’ në 12 Prill 2025. Aktiviteti do të grumbullojë artistë nga qytete të ndryshme të Shqipërisë, përfshirë Tiranën, Durrësin, Lezhën, Matin, Lushnjen, Delvinën, Ersekën dhe Fierin.
Festivali do të zhvillohet në kuadër të promovimit të traditës rome, duke përfshirë kërcimet tradicionale, muzikën dhe veshjet karakteristike të këtij komuniteti.
Pjesëmarrës në festival do të jetë edhe një grup nga Maqedonia e Veriut, nën drejtimin artistik të Ermina Redjepovës, e cila do të jetë gjithashtu e ftuar speciale në këtë ngjarje.
Programi i festivalit është miratuar nga kryetarja e Bashkisë Roskovec, Majlinda Bufi. Moderimi i festivalit do të jetë në duar të Sokol Gugas dhe Silvana Braçes, dy emra të njohur të botës së prezantimit në Shqipëri.
