Çfarë po bashkon Blushin, Majkon, Gjinushin e Nanon në prapaskenë
Ka gjasa që në skenën politike shqiptare, edhe kështu siç është mjaft kaotike, të shtohet një formacion i ri politik. Një ngjyrë edhe më e thellë e rozës që shkon deri në ekstremin e majtë. Ka disa lëvizje që e paralajmërojnë atë. Duke nisur që më një ide të artikuluar “çuditshëm” nga Tom Doshi kur i shpalli luftë kryeministrit dhe para se të zbulonte “komplotin” për vrasje kundër tij. Sipas tij, ishte gati një parti që e mendonte se mund të garonte që për zgjedhjet lokale. Më pas pati një ridalje në skenë të Skënder Gjinushit, veteranit të paepur të së majtës, i cili në fund të negociatave inekzistente me Ramën për zgjedhjet lokale, vendosi se do tw garonte i vetëm në to. Dhe më pas akoma nw kohw, Blushi shumë fort dhe Majko me stilin e tij të zakonshëm, nisën të shpjegojnë dështimet e të majtës zyrtare. Ka njoftime kontradiktore se dhe Fatos Nano, drejtuesi tjetër veteran i të majtës, është i gatshëm të dalë sërish në fushën e lojës përballë mospërfilljes totale të Ramës. Nja dy histori facebook-u të lëshuara prej tij janë megjithatë pak për të krijuar një ide për të nesërmen.
Të gjithë së bashku, nëse bëhen dot bashkë për t’i bashkuar urrejtja për Ramën, mund të krijojnë formacionin e ri politik të së majtës ekstreme. Jo në kuptimin ideologjik të fjalës që në Shqipëri ka vdekur prej kohësh, por të kumteve politike që ajo do të përçojë. Pra, përfaqësimin e partisë më të madhe të mundshme në vend, atë të të varfërve. Ka vetëm dy probleme në këtë skemë ushtarake, për të cilën mund të afrohen shumë gjeneralë të gatshëm për të komanduar duke qeverisur: e para, mungojnë ushtarët e mirëfilltë. Edhe pse në PS në përgjithësi, por dhe në grupin parlamentar në veçanti, mëritë e të papërfaqësuarve me Ramën, janë në ekstrem. Dhe e dyta, kundërshtari më i madh i tyre në këtë rast nuk është Rama, por dembelizmi për të çuar një punë deri në fund.
Redaksia Online
(JavaNews.al)
