Për herë të parë, ekskluzivisht në “Top Story” nga Grida Duma, Igli Tare rrëfen për sfidat, emocionet dhe planet e tij, mes trofeve legjendarë të kuqezinjve.
Sot në drejtimin e një prej klubeve më të mëdha në botë, Milanit, Igli tregon se si e kishte ditur që shumë herët se një ditë do të ishte pjesë e Serie A, ndjenjë të cilën mban mend që t’ia ketë treguar edhe shokëve, që atë kohë e quajtën “të çmendur” dhe nuk e besuan.
“E kam ndjerë që do të shkoja nga futbollist në drejtues, siç e kam ndier në kohën e komunizmit me shokët e mi të shkollës, kur uleshim te “Parku Rinia“ dhe unë u thosha gjithmonë që një ditë do më shikoni te Serie A në Kampionatin Italian. Gjithmonë më thoshin që jam i çmendur dhe nuk më besonin.
Mbas 15 vjetësh u takova rastësisht me një nga shokët e mi që ma përmendi këtë fakt. Unë e besoj që nëse ke një ëndërr duhet të dish të luftosh dhe ta realizosh atë. Unë kam një shprehje që e përdor gjithmonë. Aty ku për të tjerët është fundi, për mua është vetëm fillimi”, u shpreh Tare.
