Nexhmije Hoxha pozoi në këto foto, për fotografin anglez Robert Hackman, pak kohë më parë.
Kolltuku ku është ulur në foto, ishte kolltuku ku ajo qëndronte ulur gjithë kohës në dhomën e saj dhe punonte.
Aty shkroi gjithë librat e saj, pas daljes nga burgu.
Krevati në foto, është krevati i saj, në dhomën ku jetoi për më shumë se 20 vjet pas daljes nga burgu.
Ndërsa në foton tjetër të fotografit të njohur anglez, Robert Hackman, Nexhmije Hoxha po tregon kravatat e të shoqit, Enver Hoxhës dhe kostumin e tij.
Ajo i ruante pas vdekjes së tij, dhe pas transferimit në çdo vend ku kërkonte shtëpi, mbante rrobat dhe librat e të shoqit, njeriut të cilit i kushtoi gjithë jetën e saj.
Sot po përcillet në banesën e fundit, në muajin që lindi dhe zgjodhi të vdesë, pasi shkroi librin e fundit.
“Do iki, kur të mbaroj librin“, ishte premtimi i gruas 99-vjeçare, dëshmitares së një shekulli, që me ikjen e saj, mbylli një etapë shekullore për shqiptarët.
Për të gjithë që e akuzonin se ajo nuk thoshte të vërtetën, Nexhmije Hoxha, shprehej:
“Kjo është e vërteta ime. Edhe nëse nuk e besoni, mbajeni në arkiva. Një ditë do flasin historianët, jo politikanët.” (Dritare.net)
g.kosovari
