Një avion i “Air France” është detyruar të bëjë një ulje të detyruar në qytetin bregdetar të Kenias, në Mombasa, pas gjetjes së një objekti të dyshuar si bombë në tualetin e avionit.
Pas anazilave rezultoi se brenda valixhes nuk kishte një bombë, por një objekt të ndërtuar nga një kuti letrash, disa copa letre dhe një ore. Këtë lajm e konfirmoi shefi i Air France Frederic Gagey, i cili e konsideroi veprimin si një “akt mjaft agresiv”.
Avioni ishte nisur nga Mauritius drejt Parisit në aeroportin Charles de Gaulle, kur papritur pilotët kërkuan ulje të detyrueshme në Aeroportin ndërkombëtar “Moi”, vetëm 37 minuta pas mesnate, tha zëdhënësi i policisë, Charles Oëino.
“Avioni kërkoi ulje të detyrueshme, sapo ishte pikasur një pajisje e dyshuar të ishte eksploziv në tualetet e tij”, tha Owino. Në avion ishin 459 pasagjerë dhe 14 anëtarë ekuipazhi, teksa ishin nisur nga Mauritius në orën 21 të mbrëmjes së të shtunës.
Megjithatë, të gjithë pasagjerët u evakuuan në kohë dhe pajisja është bërë e mundur të nxirret jashtë avionit, konfirmoi më tej Oëino. Ekspertë të mjeteve shpërthyese nisën menjëherë analizimin e eksplozivit të dyshuar, sipas zëdhënësit të policisë.
