Një 41-vjeçare i ka dhënë fund jetës pasi ka pirë një sasi të madhe ilaçesh. Ngjarja ndodhi mbrëmjen e djeshme në fshatin Pojan.
‘BalkanWeb’ raporton se e ndjera është gjetur në banese nga motra e saj, e cila e ka transportuar drejt spitalit.
Fatkeqësisht shtetasja me inicialet R.K., nuk ka arritur dot të shpëtojë duke ndërruar jetë gjatë rrugës për në spital.
Ende nuk dihen shkaqet se perse gruaja shkoi drejt aktit ekstrem, duke i dhënë fund jetës.
“Më datë 20.09.2019, në orën 21:00, në fshatin Pojan, në banesë, është vetëhelmuar me lëndë helmuese (e papërcaktuar ende)shtetasja R.K, 41 vjeçe, e cila gjatë rrugës për në Spitalin e Korçës, ka ndërruar jetë.
Nga këqyrja e trupit të viktimës, nuk janë konstatuar shenja dhune. Materialet i kaluan Prokurorisë pranë Gjykatës së Shkallës së Parë Korçë”, thuhet në njoftimin e policisë.
