Policia e Sarandës ka mundur të arrestojë dy autorët e dyshuar për vrasjen e vëllait të ish kreut të komunës Kaçinar të Mirditës, 47 vjeçarit Aleksandër Bardhi.
Në pranga janë vënë një 25-vjeçar, Fernando Deda, dhe një adoleshent me inicialet Gj.A, 16 vjeç.
Aleksandër Bardhi, 47-vjeç, vëllai i ish-kryetarit të njësisë administrative Kaçinar të Mirditës, Petrit Bardhi ka mbetur i vrarë me armë zjarri në fshatin Shëndëlli të Sarandës me armë zjarri, të tipit kallashnikov.
Të dy autorët e dyshuar vijnë nga familje me origjinë nga Mirdita, dhe mësohet se prej vitesh janë vendosur në fshatin Shëndëlli, ku edhe ka ndodhur ngjarja.
Dyshohet se vrasja ka ndodhur për motive të dobëta. Trupi i viktimës u gjet nga kushëriri i tij.
Aleksander Bardhi njihet nga policia si person me precedentë penalë, pasi rezulton të jetë dënuar më parë me 8 vjet heqje lirie, për plagosje të rëndë me dashje, ngjarje e ndodhur disa vite më parë në Mirditë./java/a.k
