Në morinë e të gjithë njerëzve që kanë reaguar dhe kanë dhënë mendimet e tyre për koronavirusin, janë edhe dy personazhe që së fundmi janë përplasur: Kujtim Gjuzi dhe Taulant Muka, të cilët që të dy pretendojnë se janë të ditur, shkencëtarë dhe përfaqësues të zërit qytetar.
Teksa deputeti i opozitës në Parlament, Kujtim Gjuzi u shfaq me doreza në seancën ku u votuan aktet normative të qeverisë për situatën e krijuar nga koronavirusi, kjo nuk i ka pëlqyer Mukës i cili është përpjekur të tregojë se nuk është e përshtatshme.
Shkencëtari Muka, pasi zbuloi se në Shqipëri do të vdesin rreth 250 persona deri në 18 prill nga koronavirusi, tani duket se po bën një “studim” të ri me Gjuzin nëse duhet t’i përdorë ose jo dorezat.
“Nuk e njoh kete deputet, por duhet ta dije se me doreza ose pa doreza, prekja e fytyres mund te rrise rrezikun per infektim! Pra doreza nuk te krijon “imunitet”!”, thotë Muka në studimin e tij për Gjuzin.
Por nuk ka vonuar përgjigja nga deputeti Gjuzi, i cili në profilin e Instagram që mban emrin e tij, i ka kthyer përgjigje.
“Po ik o pall k…. ku me rruhet mu per virus @taulant_muka”, shkruan Gjuzi, nisur edhe nga gafa e Mukës i cili duke u shfaqur si shkencëtar parashikoi qindra të vdekur dhe mijëra të infektuar nga Covid-19.
