Nisja e shkollës, ja masat e Bashkisë së Tiranës për të shmangur trafikun
Në prag të nisjes së vitit të ri shkollor, kryebashkiaku Erion Veliaj, takoi sot 24 administratorët e Tiranës për t’u dhënë udhëzime për përballimin e kaosit që shkaktohet në trafik.
Veliaj njoftoi një sërë masash për të shmangur trafikun. “Do bllokohet qarkullimi brenda Unazës së Vogël për mjetet e rënda. Nga ora 6 deri në orën 9 të mëngjesit dhe nga ora 4 deri në orën 5 pasdite, ndalohet qarkullimi mjeteve të transportit të mallrave tregtare, pavarësisht tonazhit që kanë, brenda Tiranës. Asnjë mjet komercial nuk do të qarkullojë në Tiranë në këto orë”, tha Veliaj.
Kryebashkiaku Veliaj tha se do të bashkëpunohet ngushtësisht me Ministrinë e Arsimit për projektin e shkollave komunitare.
.
