Ministri i Jashtëm i Ukrainës, Dmytro Kuleba njoftoi se vendi i tij ka pezulluar përkohësisht marrëdhëniet me Bjellorusinë.
“Jemi duke e ndjekur procesin. Marrëdhëniet do të fillojnë kur do të bindemi se Ukraina nuk do të ketë humbje të reputacionit në aspektin politik dhe moral”, tha ai për mediat në vend.
Kuleba tha se janë pezulluar të gjitha kontaktet me palën bjelloruse duke shtuar se bisedimet rreth krizës Donbas që po zhvillohen në Minsk mund të transferohen në ndonjë vend tjetër.
Kjo erdhi për shkak se Bjellorusia kishte akuzuar vendet perëndimore, përfshirë fqinjët Ukrainën, Poloninë dhe Lituaninë për ndërhyrje në punët e brendshme të vendit duke mbështetur protestat.
Protestat masive kundër rezultateve të zgjedhjeve kanë filluar që nga 9 gushti në gjithë Bjellorusinë me pretendimin për “mashtrim në zgjedhje”.
/e.rr
