Një prej institucioneve simbol të arsimit në kryeqytet, shkolla “Kosova”, pritet që të rikthehet si vatër e dijes për të mirëpritur të vegjlit.
Bashkia ka nisur puna me intensitet për hapjen e themeleve të kësaj shkolle, e cila pritet të jetë tre herë më e madhe se sa ish-godina e saj që u dogj shumë vite më parë.
Lajmin e ka dhënë vetë kryebashkiaku Veliaj, i cili ka postuar në profilin e tij në Twitter edhe foto nga punimet që po kryhen teksa po hidhen themelet e shkollës së re.
“Më në fund… Vapa vapë, por po hidhen themelet e shkollës së re Kosova! Pas shumë vitesh rikthehet një prej institucioneve legjendë të Tiranës”, thotë Veliaj.
Shkolla 9-të vjeçare Kosova do të jetë me 4 kate në total, 3 kate mbi tokë dhe 1 kat nën tokë, ku do të jetë biblioteka e shkollës, një sallë leximi, si dhe një zonë për ruajtjen e librave. Gjithashtu, disa ambiente të shkollës, si auditoriumi, do të jenë edhe në shërbim të komunitetit. /b.d
