Kuvendi nisi të hënën e 5 Shtatorit sesionin e ri parlamentar. Deputetët i pret një punë intensive pasi janë disa çështje të nxehta politike që duhet të marrin zgjidhje. Ndër to janë edhe dy reformat, zgjedhore dhe territoriale, puna për të cilat ka nisur që sesionin e kaluar, por ende nuk kanë marrë zgjidhje.
Palët janë vonë për gjetjen e gjuhës së dialogut sa i përket reformës administrative. Deri më tani është rënë dakord që të zhvillohen punimet deri më 30 Shtator.
Si nga PS, ashtu edhe nga PD nuk ka ende një draft apo platformë konkrete se si duhet të bëhet ndarja administrative. Ditën e sotme do të jetë i pranishëm në mbledhjen që do të zhvillohet edhe një ekspert që do të japë mendimin e tij për ndarjen administrative. Më vonë do të ketë dëgjesë me përfaqësues të KLSH-së dhe Bashkisë Shkodër.
Këtë të martë do të mblidhet edhe Komisioni për Reformën Zgjedhore. Pritet që edhe në këtë komisioni të thirren ekspertë për të dhënë mendimin e tyre mbi Kodin e ri Zgjedhor. Kjo reformë është e rëndësishme duke qenë se jemi edhe afër zgjedhjeve të ardhshme vendore, të cilat zhvillohen në vitin 2023.
g.kosovari
