Presidenti Bujar Nishani i shoqëruar nga Zonja e Parë, Odeta Nishani u nis sot për një vizitë zyrtare në krye të delegacionit shqiptar drejt Republikës së Turqisë, me ftesë të presidentit Erdogan.
Ky takim vjen një ditë pas ngjarjes së rëndë që tronditi mbrëmë mbarë politikën botërore, pasi u vra ambasadori rus në Turqi.
Por, axhenda e këtyre takimeve ishte parashikikuar më herët.
Presidenti Nishani do të pritet gjatë kësaj vizite të rëndësishme nga Presidenti i Republikës së Turqisë, Recep Tayyip Erdoğan, me të cilin do të zhvillojë një takim kokë më kokë, si dhe bisedime dypalëshe në krye të delegacioneve zyrtare respektive. Sakaq, Kreu i Shtetit shqiptar pritet të ketë takime dypalëshe me kryetarin e Asamblesë së Madhe Kombëtare të Turqisë, Ismail Karahman dhe me Kryeministrin turk Binali Yildirim.
Agjenda e vizitës së Presidentit të Republikës përfshin edhe mbajtjen e një leksioni në Universitetin e Stambollit si dhe një takim të përzemërt e vëllazëror me bashkësinë shqiptaro-turke.
BW/d.i.
