Presidenti i Republikës Bujar Nishani dekoroi me 25 prill ish-lojtarin dhe trajnerin e basketbollit, Nijazi Lleshi me titullin “Mjeshtër i Madh”.
Por përpos meritave të ish- sportistit, gafën e ka bërë institucioni i presidencës pasi Lleshi këtë titull e ka marrë në vitin 2012 nga Presidenti i kohës Bamir Topi, raporton express.
“Presidenti i Republikës, Bujar Nishani i akordoi dt. 24/04/2017, nr. dekreti 10154 zotit Nijazi Lleshi Titullin “Mjeshtër i madh” me motivacionin: “Në vlerësim të kontributit të dhënë ndër vite për lartësimin dhe rritjen cilësore të sportit të basketbollit, përmes një pune të palodhur dhe arritjes së rezultateve të niveleve të larta kombëtare dhe ndërkombëtare, duke entuziazmuar sportdashësit shqiptarë”, thuhet në njoftimin e datës 25 prill 2017.
Ja ç’thuhet në një njoftim të Presidencës më 6 shkurt të vitit 2012
Presidenti i Republikës, Bamir Topi, nderoi me Urdhrin “Mjeshtër i Madh” gjashtë emra të shquar të basketbollit shqiptar ndër vite, Besnik Pëllumbin (pas vdekjes), Bujar Shehun, Vasil Shakën, Viktor Papavangjelin, Nijazi Lleshin dhe Petrit Stefën.
c.a
