Kreu i shtetit i ka dhënë përgjigje sot mediave, në lidhje me lajmet e tyre për mosnjohjen e procedurave për plotësimin e vendeve vakante në Gjykaten Kushtetuese.
Në një njoftim që e postojmë më poshtë, zyra e Presidentit thotë se kreu i shtetit “ka marrë mbështetjen e shumicës së grupeve parlamentare, përfshirë edhe atë të Lëvizjes Socialiste për Integrim për vijimin e procedurës për plotësimin e vendeve vakante të anëtarëve të Gjykatës Kushtetuese”.
Lexoni postimin e plotë:
Kabineti i Presidentit të Republikës, Sh.T.Z Bujar Nishani përgënjeshtron lajmin e shpërndarë në disa media rreth mosnjohjes së procedurës për plotësimin e vendeve vakante të anëtarëve të Gjykatës Kushtetuese.
Asnjë parti politike nuk mund të kërkojë ngrirjen e Kushtetutës!
Presidenti i Republikës ka marrë mbështetjen e shumicës së grupeve parlamentare, përfshirë edhe atë të Lëvizjes Socialiste për Integrim për vijimin e procedurës për plotësimin e vendeve vakante të anëtarëve të Gjykatës Kushtetuese.