Presidenti i republikës ka dekretuar Buxhetin e Shtetit për vitin 2017.
Pavarësisht kërcënimit të institucionit të Presidencës se, në rast se nuk miratohej ndryshimi i buxhetit me një shtesë prej 20 milionë lekësh për këtë institucion, do të dërgohej në Gjykatën Kushtetuese buxheti, duket se shtesa e miratuar me 10 milionë lekë ka kënaqur këtë institucion.
Presidenti Nishani ka dekretuar ligjin për “buxhetin e vitit 2017”, që i hap rrugën hyrjes në fuqi të ligjit.
Gjatë diskutimeve të buxhetit në komisione, Sekretari i Përgjithshëm i Presidencës, Florian Nuri kërkoi një rritje buxheti për Presidencën me 10 milionë lekë për ceremoninë e marrjes së detyrës të presidentit të ri, si dhe 10 milionë lekë të tjera për shpenzime operative.
Pas diskutimeve u vendos që të akordohej vetëm shtesa për shpenzime operative./a.m.
