Shumë të moshuar janë drejtuar në sallën e sporteve në Prishtinë ku po bëhet vaksinimi i stafit shëndetësor. Ata po kthehen prapa pasi në bazë të planit të Ministrisë së Shëndetësisë janë mantelbardhët që duhet të vaksinohen të parët. Ndërsa u është thënë që për të ditur datën e saktë të vaksinimit fillimisht duhet të aplikojnë online.
Ishin mjekët e Klinikës Infektive ata që u vaksinuan të parët ndërsa më pas në sallën 1 Tetori ka nisur procesi i vaksinimit për mjekësinë primare për vazhduar me gjithë stafit shëndetësor.
Brenda ditës janë paraparë të kryhet 700 vaksinime.
Në Klinikë sot dhe nesër do të bëhet vaksinimi i stafit edhe në rajone nuk është vendosur saktë në secilën QKMF sa persona do të vaksinohen brenda ditës.
76.800 doza shtesë të vaksinës AstraZeneca nga program i Covax do të arrijnë deri në muajin Maj kanë bërë të ditur zyrtar të UNICEF-it. Sipas planit shtetëror janë tri faza vaksinimi të cilat parashihet të përfundojnë deri në fund të vitit.
/a.r
