Ka nisur vaksinimi i gazetarëve dhe operatorëve të terrenit, të cilët do të marrin vaksinën kineze, Sinovac.
Procesi i vaksinimit të gazetarëve dhe operatorëve të terreni nisi në orën 15:00 dhe do të vijojë çdo ditë në të njëjtën orë në sheshin “Skënderbej”.
Në sheshin “Skënderbej” ka mbërritur edhe Ministrja e Shëndetësisë, Ogerta Manastirliu, e cila po monitoron vaksinimin.
Ndërkohë, më herë gjatë ditës së sotme, Manastirliu bëri me dije se ditën e nesërme do të fillojë edhe vaksinimi i policëve.
Qeveria shqiptare ka siguruar deri më tani vaksinat Pfizer, AstraZeneca, ajo ruse Sputnik dhe ajo kineze Sinovac. Autoritetet kanë bërë me dije se objektivi është që brenda majit të jenë vaksinuar gjysmë milioni shqiptarë./ b.h
