Dy javë pas tërmetit, nxënësit sot do t’i rikthehen bankave të shkollës. Ministrja e Arsimit, Besa Shahini ka njoftuar se sot do të rinisë procesi mësimor në zonat e prekura nga tërmeti në Tiranë, Durrës, Vorë dhe Kurbin.
Nga tërmeti me magnitudë 6.4 të shkallës rihter u dëmtuan rëndë 30 shkolla, të cilat kanë dalë jashtë funksionit, ndërkohë që 15 mijë nxënës të këtyre institucioneve do u mundësohet transferimi nëpër vende të tjera.
Ndërkohë, në disa shkolla të tjera pati dëmtime të lehta.
Dy ditë më parë zv/ministrja e Arsimit, Lorena Haxhiu sqaroi planin e zhvendosjes për këtë nxënës, të cilët nuk do të humbasin asnjë orë mësimi.
Haxhiu tha se janë marrë të gjitha masat që nxënësit të transportohen në shkolla të tjera, duke filluar nga pikat e grumbullimit deri tek shpenzimet, të cilat do të mbulohen nga buxheti i ministrisë.
Kujtojmë se tërmeti i 26 nëntorit mori 51 jetë njerëzish dhe la pas qindra të plagosur si dhe shumë banesa të shkatërruara.
/a.r
Keta filluan mesimin tek shkolla Emin Duraku nderkohe qe akt konstatimi i experteve thote qe te pezullohet mesimi pasi shkolla ka deme!
Drejtoresha e shkolles thote kam urdher per ta filluar, po nuk deshet mos i sillni femijet. Gjysma e prinderve nuk i sollen femijet sot ne kete shkolle!
A e imagjinon dot njeri cfare shteti kemi???!!!?????