Ka rinisur pa kryeministrin Edi Rama seanca plenare maratonë ku pritet që të ketë debate për programin e qeverisjes.
Ndërkohë që PD ka kërkuar menjëherë ndërprerjen e seancës dhe kthimin e kryeministrit në parlament për të dëgjuar opozitën. Deputeti i PD Alfred Rushaj tha opozita e respektoi detyrimin kushtetues.
“Opozita ndenji në seancë dhe dëgjoi lloj-lloj gjërash që vetëm me programin nuk kishte të bënte. Kërkojmë që të ndërpritet seanca, të vijë kryeministri dhe të dëgjojë propozimet e opozitës”, deklaroi Rushaj.
Sakaq, fjalën nuk e ka marrë as kreu u PD, Lulëzim Basha i cili po ashtu po kërkon prezencën e Ramës në Parlament.
/b.h
