Bashkia e Tiranës, me në krye Erion Veliajn ka nisur punën për restaurimin e kryeqytetit. Pas aksionit të ndërmarrë për lirimin e hapësirave publike, tashmë Bashkia e Tiranës po punon për restaurimin e një nga zonave më të rëndësishme të kryeqytetit, “Zogun e Zi”.
Është vetë kryebashkiaku Veliaj i cili ka njoftuar nisjen e rregullimit të trotuarëve në këtë zonë. Kryebashkiaku ka paralajmëruar se pas trotuarëve, në këtë zonë të hyrjes së Tiranës, do të rregullohet edhe trafiku, duke përcaktuar korsinë e autobusëve dhe të biçikletave.
“Ta bëjmë Tiranën të sigurt për të ecur me biçikletë! Rr.Dritan Hoxha- Zogu i Zi është porta hyrëse e qytetit. Nisëm sot trotuarët, më pas korsi biciklete e autobuzi. Ndihmoni ta ruajmë!#TiranaMeBicikleta #TiranaNePune” shkruan Veliaj në rrjetet sociale
