Po luhet në stadiumin e ri kombëtar derbi numër 155 i kryeqytetit mes Partizanit dhe Tiranës, i vlefshëm për javën e 15-të të Kategorisë Superiore.
Dy skuadrat vijnë në këtë takim në pozicione diametrikisht të kundërta, me të kuqtë që ndodhen në vendin e parë me 25 pikë, teksa bardheblutë qëndrojnë në vendin e 8-të me 19 pikë.
Pjesa e parë e derbit të kryeqytetit numër 155 nuk ka fitues. Partizani dhe Tirana dhuruan spektakël në fushën e blertë të stadiumit të ri kombëtar, teksa arritën të gjenin fundin e rrjetës në një rast.
Batha zhbllokoi shifrat pas 7 minutash, por reagimi i të kuqve erdhi shumë shpejt, me Bardhin që iu përgjigj mesfushorit të bardhebluve, për të vendosur ekuilibrat. /e.s/
