Arritja e marrëveshjes mes Lulzim Bashës dhe Edi Ramës solli edhe “paqe” mes kampeve politike për disa ditë, ku palët e treguan të kujdesshme në deklaratat publike dhe pati një rënie të intensitetit të akluzave.
Por sot Lulzim Basha, në prag të fushatës, ka akuzuar kryeministrin Rama se, meqë i gënjeu njerëzit njëherë, mund t’i gënjejë përsëri. Menjëherë pas deklaratës së kryetarit të PD, ka reaguar edhe Partia Socialiste.
Në deklaratën e PS-së thuhet se pasi mbylli çadrën për disa poste, Basha po përpiqet të na mbushe mendjen se ka hallin e qytetarëve.
“Pasi mbylli çadrën për ca poste qeveritare, Z. Basha po përpiqet tani të na mbushë mendjen se ka hallin e qytetarëve dhe problemeve të tyre.
Ata që kundërshtuan dhe humbën me Vetting-un, do të humbin gjithashtu në betejën për të fituar zemrat e shqiptarëve.
Ata që luftuan për Vetting-un dhe fituan, do të fitojne edhe betejën gjatë katër viteve të ardhshme për më shumë vende të reja dhe dinjitoze pune”, thuhet në reagimin e PS./javanews.al/a.ç
