Policia e Kosovës dhe ajo e Shqipërisë kanë nënshkruar marrëveshjen për patrullim të përbashkët ndërshtetëror të Rrugës së Kombit. Në bazë të marrëveshjes, Policia e Kosovës do të ketë rolin e asistencës pasi Policia e Shtetit shqiptar posedon fuqitë ekzekutive.
Patrullimet do të kryhen përmes 6 patrullave, 3 nga to të Kosovës dhe 3 të Policisë së Shqipërisë.
Nënshkrimi dy palësh u bë në pikën kufitare në Vermicë. Dy palët u shprehën se kjo marrëveshje do të shërbejë edhe për shkrirjen e eksperiencave të policisë rrugore të Shqipërisë dhe Kosovës.
