Punimet për nxjerrjen e tre minatorëve të pajetë nga thellësia e minierës së Bulqizës janë vështirësuar si rrjedhojë e shpërthimeve të gazit. Tre minatorët kinezë u gjetën pasditen e djeshme në nivelin e 21 të minierës, ndërsa puna për nxjerren e tyre nisi rreth mesnatës.
Ekspertët punuan në thellësi deri në orën 01:00 të mëngjesit të kësaj të premte, por u ndërprenë për shkak të shpërthimeve të gazit hidrogjen gjë që ka çuar në shembje të pjesshme të inerteve në minierë. Megjithë vështirësitë e krijuara, puna për nxjerrjen e tre minatorëve ka rinisur në orën 07:00. Pritet që trupat e tre minatorëve kinezë të nxirren gjatë ditës së sotme.
Tre minatorët kinezë humbën jetën një javë më parë në minierën e Bulqizës pasi shpërtimit të gazit hidrogjen. Nga ky incident mbetën të plagosur dhe tre minatorë të tjerë. Ngjarja ka ndodhur gjatë punimeve që po zhvillohen në kuadër të investimit për hapjen e pusit të thellësisë që do të shtojë jetëgjatësinë e kësaj zone mineralmbajtëse.
ma.me
