Këshilli i Sigurisë ka nisur mbledhjen e tij, të thirrur nga presidenti Bujar Nishani pas kërkesës së Ilir Metës.
Të parët në Presidencë kanë mbërritur Ilir Meta, Mimi Kodheli, Visho Ajazi, Spartak Braho dhe përfaqësues nga Shtabi i Ushtrisë.
Ditën e sotme Këshilli i Sigurisë Kombëtare pritet të diskutojë mbi prodhimin dhe trafikimin e lëndëve narkotike në vend, duke u fokusuar kryesisht te mos arrestimi i të shpallurit në kërkim, Klement Balili.
Për këtë të fundit, Policia e Shtetit ka vënë në dispozicion shumën e 50 milionë lekëve të vjetra për cilindo që ka informacion.
Ndërkohëm burime të pranishme në Presidencë njoftojnë se përvec kryeministrit Rama, mundon edhe ministri i Transporteve Sokol Dervishaj.
***
09:20 – Presidenti Bujar Nishani mbledh mesditen e sotme Këshillin e Sigurisë Kombëtare në selinë e Presidencës.
Mbledhja është thirrur me kërkesë të kryetarit të Kuvendit, Ilir Meta, për të diskutuar rreth mosarrestimit të Klement Balilit, i akuzuar nga autoritetet greke si drejtues i një organizate të fuqishme të narkotrafikut në Ballkan.
Keshilli i Sigurise Kombetar kryesohet nga Presidenti i Republikes dhe thirret prej tij sa here qe e gjykon te nevojshme dhe sipas nje rendi dite te percaktuar.
Anetaret e perhershem te Keshillit te Sigurise Kombetare jane Kryetari i Kuvendit; Kryeministri; Ministri i Mbrojtjes; Ministri Puneve te Jashtme; Ministri i Drejtesise; etj.
Më herët kryeministri Rama ka njoftuar mungesën e tij dhe përfaqësimin e Këshillit të Ministrave përmes Niko Peleshit në tryezë, prezencë kjo që është refuzuar nga Bujar Nishani. /b.d
