Është prezantuar sot në Librazhd projekti për rrugën e Çermenikës. Faza e parë e investimit në fjalë kap shifrën e 300 milion lekëve dhe do të zbatohet nga Fondi Shqiptar i Zhvillimit.
“Qeveria po e mbështet Librazhdin me projekte dhe investime konkrete. Çermenika është një zonë me rëndësi të madhe” – është shprehur gjatë prezantimit deputeti socialist Taulant Balla.
Më herët, Balla është përplasur për rrugën e Çermenikës edhe me ish-kryeministrin Berisha. Sipas këtij të fundit janë shtruar 22 kilometra, por Balla ka postuar fotografitë e rrugëve me gropa dhe të papërfunduara.
