Ka nisur në Gjykatën Kushtetuese seanca e radhës për të shqyrtuar kërkesën për shkarkimin ose të Presidentit të Republikës, Ilir Meta. Kjo është seanca e tretë që zhvillon kushtetuesja për këtë çështje.
Në nisje të seancës, kryetarja e Gjykatës Kushtetuese, Vitore Tusha, është shprehur se “Kuvendi na vuri në dispozicion përgjigjet e pyetjeve. Dokumentet e Kuvendit u janë shpërndarë anëtarëve të trupit gjykues dhe një kopje e tyre i është dërguar Presidentit”.
Nga ana e tij, gazetarja Klodiana Lala raporton për “BalkanWeb” se këshilltari i Presidentit Meta, Bledar Dervishaj, i ka bërë një kërkesë të re gjykatës.
Dervishaj: Kam marrë laptopin e punës dhe do më ndihmonte për të shpjeguar.
Tusha: Mund t’iu vëmë në dispozicion laptopin e gjykatës në funksion të procesit.
Dervishaj: I kemi materialet edhe në flash dhe do përdorim laptop e gjykatës që është i certifikuar
Bushka: Duam të kuptojmë se për çfarë është kjo kërkesë, ka të bëjë me përgjigjet e pyetjeve, apo diçka tjetër.
Tusha: Përgjigju pyetjeve.
Dervishaj: Përgjigjet i keni me shkrim
Tusha: Ne duam t’i dëgjojmë
Dervishaj: Lexojini dhe Gjykata Kushtetuese të marrë kohën e vet që të njihet me përgjigjet
Tusha: Ju zgjidhni të mos përgjigjeni. Kush do ta marrë rolin e leximit të përgjigjeve. Gjykata ju dha kohë. Nëse nuk do t’i sillnit me shkrim nuk përbente pengesë.
Dervishaj: Nuk kemi asnjë qëllim të pengojmë gjykimin. Po ndjekim procedurën e kuvendit. Kërkoi 2 orë, erdhi dha përgjigje gjysmake, pak ditë më vonë solli përgjigjet me shkrim.
Të gjitha pyetjet e gjykatës kanë marrë përgjigje nga presidenti. Provat e reja ua vendosa me video në seancë. Gjykata duhet t’i marrë në shqyrtim.
Bushka: 1. ligjet ndjekan të njëjtin standard ne 2021 si në 2019. Presidenti është vënë në dijeni dhe më pas ka kthyer përgjigje
2. Fjalimet publike të Kryeministrit Edi Rama janë politike. Nuk u kërkua në atë kohë mocion besimi apo mosbesimi për këtë sjellje. Këto deklaratë nuk kanë lidhje me çështjen që po shqyrtohet. Nuk mund të shërbejnë si justifikim dhe duhet të cilësohet si sjellje e pavlefshme.
3. Retorika për procedurën parlamentare, e qëllimshme për të ngatërruar
4. T’i jepet fund seancës gjyqësore dhe të kalojmë në pikën e vendimit.
g.kosovari
