Partia Demokratike nisi mbledhjen e Këshillit Kombëtar në selinë blu. Në këtë mbledhje, ky organ do të vendosë zëvendësimin e 11 anëtarëve të Kryesisë dhe sekretarëve të partisë, të cilët janë shkarkuar në mbledhjen e fundit të këtij këshilli në 12 dhjetor.
Megjithatë, sot do të kryhet me votim të fshehtë zgjedhja e 4 sekretarëve të rinj. Belind Këlliçi, Ervin Minarolli, Ledina Mandia dhe Ivi Kaso, të cilët drejtonin sekretariatet e zgjedhjevem emigracionit, pronave dhe burimet njerëzore u shkarkuan një ditë pas Kuvendit të Jashtëzakonshëm të 11 dhjetorit të mbajtur në stadiumin “Air Albania”.
Në 12 dhjetor, Këshilli Kombëtar demokrat vendosi shkarkimin e Edi Palokës nga posti i kryetarit të Këshillit Kombëtar të PD-së pasi doli në mbështetje të lëvizjes për rithemelim të partisë e iniciuar nga ish-kryeministri Sali Berisha.
Anëtarët e PD-së të shkarkuar nga Kryesia dhe sekretariatet e partisë
Edi Paloka
Belind Këlliçi
Ivi Kaso
Albana Vokshi
Aldo Bumci
Gent Strazimiri
Gert Bogdani
Oerd Bylykbashi
Flamur Noka
Ervin Minarolli
Ledina Mandia/m.j
