Nigel Farage, ish-lideri i Partisë Britania e Madhe e Pavarur (UKIP), i cili luajti një rol kyç në votimin e britanikëve për të dalë nga BE-ja në vitin 2016, filloi sot një marshim dy javor deri në Londër për të ndalur atë që ai e quan tradhëti të Brexit.
“Nëse shikoni çfarë ka ndodhur në Parlament këtë javë, ndoshta nuk do të dalim nga BE-ja”, tha sot ai para përkrahësve të cilët ishin mbledhur për të filluar marshimin në veri të Anglisë në qytetin Sandërlend, sipas “Association Press”.
Ky marshim protestues, pritet të përfundojë para Sheshit të Parlamentit në Londër më 29 mars, data që është përcaktuar për largimin e britanikëve nga BE-ja.
/a.rada
