Ka nisur thuajse zyrtarisht derbi Milan-Inter në këtë merkato të verës, për të sjellë në “San Siro” mesfushorin e talentuar italian Sandro Tonali, që luan me Brescia në Serinë A. Sipas “sportmediaset”, skuadra e Juventusit ka hequr dorë nga mesfushori 20-vjeçar, pasi po sheh të tjera pista në merkato.
Për pasojë, në garë për lojtarin kanë mbetur Inter dhe Milan edhe pse zikaltërit duken më favoritë. Kjo, për shkak se kanë një buxhet më të mirë se ai i Milanit në merkaton e verës. Milan duhet të mendojë për rinovimet e Donnarumma, Ibrahimovic e Rebic, ndërkohë që buxheti është i limituar, 100 milionë euro.
Ndërsa Inter ka gati ofertën bazë, 32 milionë euro + 2 milionë euro bonus, në mënyrë që ta mbyllë sa më shpejt këtë marrëveshje. Inter ofron një kontratë 4-vjeçare. Milan pret të sigurojë paratë e nevojshme për Tonali nga shitja e Suso (25 milionë euro), për të barazuar ofertën e Interit, duke i ofruar një kontratë 3-vjeçare.
Më pas, gjithçka do të mbetet në dorë të lojtarit për të bërë zgjedhjen e duhur.
g.kosovari
