Nikolla uron nxënësit me rastin e nisjes së vitit shkollor
Nesër do të hapen dyert e shkollave për 500 mijë nxënës. Për vitin e ri shkollor janë regjistruar 30 mijë fëmijë të cilët do të ulen për herë të parë në bankat e klasave të para.
Në deklaratën përshëndetësë për ditën e parë të shkollës, ministrja e Arsimit, Lindita Nikolla tha: “Ju pershëndes së pari ju 30 mijë vogëlushve që zemra ju rreh fort me padurimin e pritjes së ziles së parë të shkollës. Për herë të parë këtë vit shkollor 76 mijë nxënës do të mësojnë me tekste të reja të klasës së parë dhe të gjashtë, botime të emrave të mëdhëdhenj siç janë “Oxford”, “Cambridge” dhe “Pearson””.
Nikolla bëri të ditur se janë rikonstruktuar 44 shkolla dhe ka përfunduar ndërtimi i 18 të tjera. Megjithatë, Tirana edhe këtë vit do të përballet me shkolla me dy turne, jo vetëm të mesme, por edhe nëntëvjeçare, si pasojë ngarkesës dhe vonesës në rikonstruksione.
