Ministrja e Arsimit Lindita Nikolla i dorëzoi Flamurin kombëtar delegacionit olimpik që do të marrin pjesë në Olimpiadën e Brazilit.
Gjatë mbrëmjes olimpike organizuar nga Komitetit Olimpik Kombëtar Shqiptar, Nikolla i dorëzoi flamurin sportistes Luiza Gega e cila do të jetë flamurmbajtësja në parakalimin e Ekipit Shqiptar në Lojërat Olimpike Rio 2016.
Në fjalën e tij, Presidenti i KOKSH-it, Viron Bezhani, theksoi për një përfaqësim dinjitoz, të pastër dhe më e rëndësishme me medalje nga sportistët tanë.
Ministrja Nikolla shprehu mbështetje të vazhdueshme për sportin, e veçanërisht për këta sportistë që marrin pjesë në Lojërat Olimpike Rio 201.
Luiza Gega e Izmir Smajlaj në atletikë, Nikol Merizaj e Sidni Hoxha në not dhe Briken Calja në peshëngritje, janë sportistët që përbëjnë ekipin kombëtar shqiptar që do të marrë pjesë në Lojërat Olimpike Rio 2016. Ata do të shoqërohen në garat e këtij aktiviteti nga trajnerët e tyre përkatës.
