Kryeparlamentarja, Lindita Nikolla ka reaguar në lidhje me tensionet në Veri të Kosovës, ku në rrjete sociale shkruan se kjo situatë nuk i shërben normalizimit të marrëdhënieve me Serbinë.
Nikolla shkruan se Serbia me Kosovën pas ndërmjetësimit nga ana e partnerëve strategjikëve kanë hyrë në dialog dhe duhet ta vazhdojnë me tej, pasi kjo është e vetmja rrugë drejt njohjes së ndërsjellët dhe paqes në rajon.
Postimi i plotë:
Tensionimi i situatës në Veri të Kosovës nuk i shërben avancimit të procesit të normalizimit të marrëdhënieve mes dy vendeve.
Kosova dhe Serbia, me mbështetjen e miqve e partnerëve tanë strategjikë, ShBA dhe BE, kanë hyrë në dialog për normalizimin e marrëdhënieve dhe duhet të vazhdojnë këtë dialog.
Kjo është e vetmja rrugë drejt njohjes së ndërsjelltë, zhvillimit, demokracisë, paqes e bashkëpunimit në rajon.
