Ministrja e Arsimit Lindita Nikolla, ka reaguar pas protestës së studentëve që kërkojnë heqjen e tarifës për provimet e mbartura
Nikolla sqaroi studentet se pika e VKM-së për të cilën ata protestojnë nuk ka hyrë ende në fuqi dhe nuk impakton tek ata, ndërsa shtoi se është e hapur që ta kalojë në tagër të universiteteve në kuadër të autonomisë për ta hequr nga qeveria.
“Kjo pikë nuk ka hyrë në fuqi për këta studentë, lidhet me ata që futen këtë vit në vitin e parë dhe vitin tjetër mund të ketë efekte. Sot rektorët dhe dekanët do të adresojnë dhe patjetër jam e hapur që të ecim drejt një propozimi që kjo pikë tu lihet universiteteve, jo qeverisë. Kjo pikë nuk ka hyrë në fuqi dhe nuk ka impakt në asnjë student, do të futet vitin tjetër. Nëse universitetet janë dakord, jam gati ta lëmë në tagër të autonomisë universitare”, tha ajo.
Javanews/a.çupaj
