Ministrja e Arsimit dhe Sportit, Lindita Nikolla zhvilloi takim me 1600 maturantë të qarkut të Fierit për t’i informuar ata në lidhje me Maturën Shtetërore të këtij viti dhe mënyrën e aplikimit nga ana e tyre për të ndjekur studimet në Institucionet e Arsimit të Lartë.
Takimi i ministres Nikolla me maturantët e Fierit vjen ne kuadër të takimeve të zhvilluara me rreth 14 mijë maturantë në të gjithë vendin.
Në fjalën e saj me maturantët Ministrja e Arsimit dhe Sportit theksoi se sistemi i aplikimeve në universitet është i duhuri i cili aplikohet në të gjitha vëndet europiane, nëpërmjet së cilit çdo maturant rezulton fitues në bazë të meritës dhe transparenës.
Gjithashtu Ministrja e Arsimit dhe Sportit theksoi se nëprocesin e Maturës Shteterore maturantët duhet të të shohin me kujdes kriteret e vendosura ngaUniversitetet të publikuara në Portalin e Maturantit, U-Albania. Ministrja e Arsimit dhe Sportit vuri theksin tek fakti se maturantët në të gjithë vendin duhet të nisin llogaritjet e tyre përçdo program studimi që ata vetë preferojnë duke mos lejuar askënd të bëjë politikë me zgjedhjen e tyre.
“Zgjidhni ju programet e studimit. Mos lejoni politikën t’ju konfuzojë. Shanci juaj vetëm merita! Bëjeni fituese.”
Ministrja Nikolla theksoi për maturantët se Ligji i ri për Arsimin e Lartë vetëm lehtëson rrugën për të hyrë në universitet si dhe hodhi poshtë deklaratat për rritjen e tarifave të universiteteve, të cilat që prej vitit 2014 nuk janë rritur.
Ministrja Lindita Nikolla iu përgjigj të gjitha pyetjeve qënxënësit kishin për Maturën Shtetërore dhe aplikimin nëuniversitet.
Krahas takimeve të ministres Nikolla Në të gjitha shkollat e vendit drejtoritë arsimore po zhvillojnë takime informuese me maturantët.
