Presidenti Nikoliç tregon se është ekspert i vërtetë në histori. “Serbia dëshiron të bëhet anëtare e BE-së, këtë e dua edhe unë, por Serbia asnjëherë nuk do ta njohë pavarësinë e Kosovës e Metohisë” u ka thënë në Beograd presidenti i Serbisë, Tomisllav Nikoliç, gazetarëve gjermanë.
Unioni mund të heq dorë nga negociatat (me Serbinë) nëse do të thoshte “lakuriq” se duhet ta pranoni pavarësinë e Kosovës, ka thënë Nikoliç, duke konstatuar se “ata po shmangen të thonë se ne duhet ta pranojmë pavarësinë e Kosovës e Metohisë”, transmeton Koha.net raportimet e mediave të Beogradit nga ky takim i presidentit serb me gazetarët gjermanë.
Duke theksuar se Serbia nuk ka bërë gabim që nuk e ka pranuar pavarësinë e Kosovës, ka shtuar se “një ditë ndoshta në Serbi do të lindet politikani që do të thotë se duhet ta njohim pavarësinë e Kosovës e të Metohisë dhe t’i fitojë zgjedhjet, por sot kjo është e pamundur”.
Por ka shtuar edhe një fakt interesant sipas medias kosovare që gjurmët e kosovarëve s’janë as 50-vjeçare.
