Kryetari i Serbisë Tomislav Nikoliç ka deklaruar në Moskë se Serbia kurrë nuk do ta njohë pavarësinë e Kosovës, madje edhe nëse nuk mund të hyjë në Bashkimin Evropian. “Serbia po zhvillon bisedime me BE-n- dhe Prishtinën e po përpiqet që njerëzit në Kosovë të jetojnë mirë dhe në këtë na përkrah Rusia.
Kurrë nuk do ta njohim Kosovën, madje edhe nëse nuk do të mund të hyjmë në BE”, ka thënë Nikoliç në një intervistë për Rusia 24, duke u përgjigjur në pyetjen nëse hyrja e Serbisë në BE do të thotë largim i mundësisë për kthimin e Kosovës, transmeton Koha.net.
