Presidenti i Serbisë, Tomislav Nikoliç, duke folur lidhur me ftesën e Hashim Thaçit për të marrë pjesë në ceremoninë e betimit si President i Kosovës, ka thënë se nuk mund të shkojë në inaugurimin e kryetarit të një shteti që nuk ekziston.
“Po e shoh se ajo (ftesa) ka arritur në media, por unë s’e kam vendin atje, për shkak se unë jam President i Serbisë”, ka thënë Nikoliç.
Ai ka shtuar se për të shteti i pavarur i Kosovës nuk ekziston dhe se betimi i Thaçit bëhet në kuadër të “institucioneve të përkohshme të Prishtinës dhe sipas Kushtetutës së Kosovës”.
“Madje edhe sipas rezolutës 1244 thuhet se atje mund të bëhet çdo gjë, por jo i shtetit të pavarur”, ka thënë ai.
Hashim Thaçi si president i Kosovës betohet më 7 prill. Në inaugurim pritet të marrin pjesë shumë personalitete nga vendi, rajoni e bota.
