Kryeministri Li Keqiang i ka përcjellë kryetarit të Serbisë, Tomislav Nikoliç, përkrahjen e Kinës në procesin e integrimit evropian të Serbisë dhe politikës karshi Kosovës, shkruan “Akter”.
Presidenti serb Tomislav Nikoliq gjatë një bisede me kryeministrin e Kinës, Li Keqiang, ka vlerësuar se “është momenti i duhur që marrëdhëniet midis Serbisë dhe Kinës, në veçanti në ekonomi të arrijnë në një fazë të re”, dhe ka bërë thirrje për investime kolektive dhe eksporte në tregje të treta, transmeton lajmi.net.
Kryeministri kinez siç thuhet në një deklaratë, ka mbështetur idenë e forcimit të marrëdhënieve ekonomike, kurse Nikoliqit i ka përcjellë mbështetjen e Kinës në procesin e integrimit evropian të Serbisë dhe politikës karshi Kosovës.
Ai i ka premtuar përkrahje edhe në qëndrimin e Serbisë karshi statusit të Kosovës dhe kinse trashëgimisë kulturore serbe në vendin tonë, duke aluduar kështu në përpjekjet që diplomacia kosovare po i bënë për t’u anëtarsuar në UNESCO.
