Samiti Brdo –Brioni i cili po zhvillohet në Zagreb e ku po merr pjesë edhe Zëvendëspresidenti Joe Biden, po komentohet shumë edhe për shkak të një “incidenti” ndërmjet Presidentes së Kroacisë Kolinda Grabar –Kitaroviç dhe atij të Serbisë Tomislav Nikoliç. Ky i fundit e ka puthur Presidenten e Kroacisë duke iu imponuar dukshëm.
Askush nuk e ka pritur që Presidenti Nikoliç do të jetë kaq i “ngrohtë” me Presidenten e Kroacisë Kolinda Grabar-Kitaroviç e cila është zënë në befasi nga puthjet e tij. Dy palët kohëve të fundit kanë acaruar raportet, por Nikoliç ka befasuar nikoqiren e tij duke i gjuajtur në qafë. Ai e ka puthur 3 herë atë në mënyrën tradicionale serbe. Presidentja kroate ka dashur ta ndërpresë këtë situatë pasi Nikoliç ka realizuar puthjen e dytë, por homolog i saj nuk është ndalur.
