Gati 20 anije ushtarake – rreth 10 kineze dhe 10 tajvaneze – janë përballë njëra-tjetrës pranë vijës së mesme të ngushticës së Tajvanit, tha sot një burim i paidentifikuar i njohur me situatën për Reuters.
Sot, si pjesë e një stërvitjeje ushtarake tre-ditore, Kina kreu sulme të simuluara ndaj trupave të huaja pranë bregut jugperëndimor të Tajvanit, tha burimi.
Ministria kineze e Mbrojtjes njoftoi sot se Forcat Ajrore Kineze kanë përfshirë avionë shtesë në stërvitjet ushtarake pranë ngushticës së Tajvanit.
Ministria e Mbrojtjes në Taipei tha se Tajvani po monitoron aktivitetet e forcave raketore të Kinës dhe se njësitë e mbrojtjes ajrore të Tajvanit po mbajnë një nivel të lartë gatishmërie, raporton Reuters.
Siç u tha, të shtunën, 71 avionë kinezë dhe nëntë anije kaluan vijën qendrore të ngushticës së Tajvanit.
/s.f
