Harrojeni rritjen e pagave në përqindje dyshifrore, pas mandatit aktual qeverisës.
Ato do të mund të lëvizin vetëm proporcionalisht me rritjen e bruto produktit të brendshëm (GDP), e që në vitet e fundit në Kosovë nuk ka kaluar lartësinë e 2-4 për qind, shkruan Koha Ditore.
Është kjo një politikë qeveritare që do të sanksionohet me Ligjin për menaxhimin e financave publike dhe përgjegjësitë. Në funksion të saj janë sponsorizuar të premten ndryshime të këtij ligji.
Sanksionimi i mosngritjes së pagës është arsyetuar me obligimet që ka Kosova nga një marrëveshje të cilën e ka lidhur me Fondin Monetar Ndërkombëtar (FMN).
